Ժլատ ընկերը - Հեքիաթներ - Ստեղծագործում են երեխաները

Ժլատ ընկերը

Արամն ու Ժիրայրը դասընկերներ են: Նրանք գրեթե ամբողջ օրը միմյանց հետ են ժամանակ անցկացնում` խաղում են տարբեր խաղեր, զբոսնում, զրուցում տարբեր թեմաների շուրջ: Արամը շատ խելացի ու ուշիմ երեխա է, իսկ Ժիրայրը շատ ժլատ է: Ամեն անգամ Արամն իր ունեցածից ընկերոջը բաժին է հանում, իսկ Ժիրայրը... Արամը որոշեց մի վերջին անգամ էլ փորձել նրան:

Նա երկու ընկույզ բերեց, մեկն ինքը կերավ, մյուսը տվեց Ժիրայրին: Հենց այդ պահին Ժիրայրն իր գրպանից հանեց կոնֆետը և, առանց կիսելու ընկերոջ հետ, ագահորեն կերավ: Արամը շատ տխրեց և վիրավորված զգաց իրեն: Նրանք այդ օրվանից հետո էլ ընկերություն չարեցին: